- 570 -

1426. Aug. 20. o. O.

Der Hofrichter zu Liegnitz und die Mannen daselbst verkünden einen Urtheilsspruch der Mannen zu Donin in der Streitsache zwischen der Stadt Liegnitz und den Brauchitsch ern.

Ich Hannos Seber hoferichter zu Legnicz vnd dy man, dy zum rechten sitczen doselbist, Heincze Sweyncchen, Nickil Borewicz, Hannos Swencz, Adam Falkenhayn, Heincze Posern, Hannos Eychholcz, Nickil Slewicz, Petsche Hertil, Gregor Tesschener vnd Hannos Hertwig bekennen, das vns eyn orteil komen ist von Donyn, das wir haben lossen kewffen czwisschen der stad Legnicz an eyme vnd den Brauchatschern am andern teil, vnd lawtit von worten zuworten also .. Hiruff sprechen wir manne zu Donyn recht vnd wissen is nicht bessir: haben dy Brauchatscher dy fryheit in dy heyde, noch eres furstlichen briues awsweysunge, vff den sie sich tedigen vnd in gebruchlichen geweren gehabet vnd behalden haben ee dy stad Legnicz dy heyde kauft vnd in gewere genomen haben vnd auch ere gewere doran noch der stad kauffe beheet vnd behalden hetten vnd der ny entwerit weren alse sie das setczen, komen denne dy Brauchatscher erer rechtin geweren doran also vulkomen vnd irweysen alse recht ist so weren sie mit eren eldisten furstlichen briuen vnd eren rechten beweysten geweren erer freyheit noch des briues awsweysunge nehir czu behalden, wenne das sie dy ratmanne der stad Legnicz mit eren geweren vnd kauffe an erer eldisten vorbriften freyheit, der sie ny entwerit weren dovon geweysen mochten vnd bedorffen ander benennunge, wenne ere briff awsweyset nicht thun, sintemol das sie sich uff den briff getediget haben. Auch so sal eyne iczliche sperrunge weren uff bescheydene gerichtis vnd dingis czeit, der man auch zu rechte folgen sal von rechtis wegen das desze recht gerecht seyn. Gegeben zu Donyn an der metewochen noch Kiliani vnder Apaczkaris des houptmannes ingesegil, des wir manschaft mit em gebruchen. Des orteils mutte dy stad dis briues vnd dy frist doruff, dy wart en geteylit bis zum nesten dinge, vnd mag den Brauchatschern an erem rechtin nicht geschaden. Geschen am nesten dinstage vor Bartholomei, noch Crists geburd vierczenhundirt dornoch im sechsvndczwenczigisten jare.

O. d. St. L. No. 317. Mit zwei Siegeln an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866